Este venres día 3 de xuño celebrarase a IV Edición do Desafío de traíñas entre a SD Tirán e a SD Samertolameu.Dentro dos eventos, de 18:30 a 19:45 horas e dirixidos principalmente para rapazada de 8 a 16 anos, haberá unhas clases de iniciación ao remo e posteriormente unha competición con premios aos mellores na contorna do palco do paseo marítimo de Moaña.
Posteriormente as 20 horas farase o sprint entre os equipos masculinos, as 20:15 remarán o equipo feminino da SD Tirán contra o equipo masculino B da SD Samertolameu, as 20:45 será o turno dos equipos masculinos e as 21:15 farase un desafio de ergómetros entre as categorias cadete de ambos clubes ata a entrega de premios.